Balhog karon sa prisohan ang usa ka drug suspek atol sa gihimo nga joint drug buy-bust operation,didto sa Sitio Bunk House, Brgy Sirawai Proper, Sirawai, Zamboanga del Norte, Nobyembre 7,2025.
Ang dinakpan nga drug suspek nasikop ug nasakmitan sa kapulisang 1.5 gramos sa gituohang shabu nga adunay gibanabanang street value nga Php 10, 200.
Ang pagkasikop sa nasangpit nga drug suspek gihimo pinaagi sa mga personahe sa Sirawai Municipal Police Station kauban ang 901st RMFB9 ug Zambonga del Norte Provincial Mobile Force Company (ZNPMFC).
Kining malampuson nga operasyon nagpasiugda sa walay puas nga dedikasyon sa atong mga personahe sa pagwagtang sa ilegal nga drugas ug sa pagpanalipod sa atong mga komunidad.(MEDALYN U. BORJA)
Source: Sirawai Municipal Police Station ZNPPO