Malampusong gisugdan sugod Nobyembre 24 adlawng Domingo hangtud Nobyembre 30, 2024, gisaulog dinhi sa Siyudad sa Dipolog ang PRESS WEEK.
Ang maong kasaulogan nga nahisgutan sa unahan gahatag kini ug kusog sa matag usa ka myembro, nga tumong ug tinguha sa maong organisasyon nga kahatagan ug kapasikaran pinaagi sa gipagawas nga Proklamasyon No. 2024-02 nga pinirmahan ni City Mayor Darel Dexter T. Uy pinetsahan ug Nobyembre 22, 2024.
Ang maong selebrasyon nakalatid sa nasangpit nga proklamasyon diin gapasabot nga matag media nga kini adunay kahibalo sa paghatag ug patas nga impormasyon,
nga adunay kasiguruhan ilabina sa pagpakatap sa sakto nga impormasyon isip pag-ila sa kaakohan sa media dinha sa tukmang pagpagawas sa mga matuod nga detalye nga maghisgot sa usa ka aktibong demokratikanhong katilingban isip usa ka media o tigbalita.
Matud pa sa nakalatid seksiyon 4, sa artikulo III sa 1987 kontitusyon naglatid sa katungod sa mga katawhan alang sa kagawasan sa pagpadayag, ug sa media, diin nagsubay pinaagi sa proklamasyon presidensiyal no. 191, serye sa tuig 1964 ug sa proklamasyon presidensyal no. 8, serye sa 1966, ang pagsaulog sa National Press Week ang hugtanong ug gihingusgan pagdasig.
Pinaagi ning tanan ang Zamboanga Del Norte Press Club ang mipahigayon ug usa ka panagtigom hinungdan nga mi dangop sa buhatan sa Mayor ning siyudad alang sa pagluwat og proklamasyon gikan sa Nobyembre 24 ngadto na sa petsa 30, ning tuiga, isip kasaulugan sa Press Week dinhi sa dakbayan sa Dipolog,
Ang maong selebrasyon gaaghat ug dakung katumanan diin pinaagi sa pagpagawas sa nahisgotang proklamasyon no. 2024—02.
Ang maong usa ka semana nga kasaulogan, giaghat ug gidasig ang tanang Dipolognon sa dakung suporta ug kooperasyon atol sa kasaulogan sa Press Week hangtud sa katapusan ning bulan sa Nobyembre. (Angelica T. Obina)
(Source: CIO Dipolog)