DAPITAN CITY — Nagpakita na usab og paspas nga pagresponde ang mga personnel sa Dapitan City Fire Station human sila mitubag sa usa ka emergency medical call nga naglambigit sa pasyenteng adunay mga timailhan sa posibleng stroke niadtong Hunyo 11.
Ubos sa liderato ni FSINSP Rommel M. Rojas, REE, Acting City Fire Marshal, dayong miresponde ang Shift “B” EMS team ngadto sa nahitabong insidente aron masiguro nga madali og hatagan og medikal nga pag-atiman ang pasyente.
Sa pag-abot sa lugar, ilang nakita ang pasyente nga naghigda sa higdaanan ug adunay mga simtomas nga kasagarang nalangkit sa stroke sama sa kahuyang sa usa ka bahin sa lawas, pagkaluya sa nawong ug lisod nga pagsulti.
Gipasiugda sa mga responder nga importante ang paspas nga pag-ila ug paghatag og tabang sa mga kaso sa stroke tungod kay matag minuto adunay dakong epekto sa kahimtang ug posibilidad sa pagkaayo sa pasyente.
Nagpadayon ang Dapitan City Fire Station sa paghatag og dali, propesyonal ug matinud-anong serbisyo sa emerhensya aron mapanalipdan ug matabangan ang katawhan sa panahon sa panginahanglan.(JENIFFER JR. DELICA)
Source: BFP R9 Dapitan City Fire Station