DIPOLOG CITY — Gipalig-on sa Bureau of Fire Protection (BFP) Dipolog City ang kahibalo ug kaandam sa mga estudyante, magtutudlo ug kawani pinaagi sa pagpahigayon og fire drill sa Community School niadtong Hunyo 9.
Gipangunahan ni FSINSP Aprilyn B. Barbaso, Acting City Fire Marshal, ang maong kalihokan aron masiguro nga husto ang pagtubag sa mga partisipante panahon sa emerhensya ug sunog.
Atol sa drill, gitudloan ang mga estudyante ug personnel sa saktong pamaagi sa pag-evacuate ug sa mga batakang protocol sa emerhensya aron malikayan ang kalibog ug peligro kon adunay tinuod nga insidente.
Sumala sa BFP, importante ang regular nga fire drill aron mapalig-on ang kultura sa kaluwasan ug maandam ang komunidad sa posibleng mga emerhensya.
Nagpadayon ang BFP Dipolog City sa pagpatuman sa mga programa nga nagtutok sa fire safety ug disaster preparedness aron masiguro ang kaluwasan sa publiko.(JENIFFER JR. DELICA)
Source: BFP R9 Dipolog City Fire Station