Naghiusa ang Dipolog City Institute of Technology, Inc. (DCIT) ug ang Zamboanga del Norte Police Provincial Office, pinangulohan ni PCOL Jimmy M. Laguyo, aron mapalig-on ang seguridad sa mga estudyante ug malikayan ang kriminalidad.
Gipangunahan sa administrasyon sa eskwelahan, uban nila Mr. Florentino D. Diana (School President), Mr. Lloyd I. Diana (VP for Administration), ug Ms. Jenecil B. Aranta (Guidance Counselor), ang panaghiusa nga nagtumong sa pagpalig-on sa kampanya batok sa ilegal nga droga ug krimen sulod ug gawas sa tunghaan.
Gikatakda nga magpadayon ang maong kolaborasyon pinaagi sa mas aktibong police visibility ug mas lig-on nga suporta sa komunidad aron masiguro nga magpabilin ang DCIT nga luwas ug produktibong lugar alang sa pagtuon.(Jeniffer Jr. Delica)
Source/Photo Courtesy: Zamboanga del Norte Police Provincial Office