Gipahigayon sa Lokal nga Pangagamhanan sa Sindangan ubos sa liderato ni Mayor Glona G. Labadlabad ang kalihokan sa Indigenous Peoples (IP) Day 2025 kaniadtong Oktubre 21 sa Sindangan People’s Cultural and Sports Center.
Gitambongan sa mga lumad ug mga opisyales sa lungsod ang selebrasyon nga may tema “Weaving Culture, Enriching Future as Bedrock of Sustainable Development,” nga nagpasabot sa pagpasidungog sa kultura, kaisog, ug kinaadman sa mga lumad isip kabahin sa kalamboan.
Padayon ang paningkamot sa LGU Sindangan sa pagpalig-on sa partisipasyon sa mga lumad aron mapreserba ang ilang kultura ug matabangan silang makab-ot ang mas malungtarong kaugmaon.(Jeniffer Jr. Delica)
Source/Photo Courtesy: Local Government Unit of Sindangan