Gibuhian pagbalik sa ilang natural nga puy-anan ang pito ka inahan nga alimango nga adunay mga itlog atol sa usa ka marine conservation activity nga gipahigayon sa Fishport Bagting, Dakbayan sa Dapitan, niadtong Hunyo 4, 2026.
Gipangulohan ni Mayor Evelyn “Belen” T. Uy, uban ni Konsehal Dennis Tan ug City Agriculturist Cyril Patangan, ang maong kalihokan aron maseguro nga makapadayon sa pagpangitlog ug pagpasanay ang mga alimango sa kadagatan.
Sumala sa lokal nga panggamhanan, ang pagpasaguli sa mga inahan nga alimango makatabang sa pagdugang sa populasyon sa mga yamang-dagat, pagpanalipod sa panginabuhian sa mga mangingisda, ug pagmintinar sa balanse sa ekosistema sa kadagatan sa Dapitan.(IKEN B. GULLEM)
Source: City Information Division -Dapitan