Gipanghatag sa Lokal nga Panggamhanan sa Mutia ang pinansyal nga tabang ngadto sa mga kwalipikadong mag-uuma ug mangingisda ubos sa Presidential Assistance for Farmers and Fisherfolk Program o PAFFP.
Gitumong sa maong programa ang paghatag og hustong suporta sa sektor sa agrikultura ug pangisda pinaagi sa pinansyal nga ayuda aron mapalig-on ang panginabuhian ug mapauswag ang kalidad sa kinabuhi sa mga benepisyaryo.
Padayon nga gipatuman ang pay-out sa kooperasyon sa lokal nga panggamhanan ug mga kaabag nga ahensya aron masiguro ang hapsay nga pag-apod-apod sa maong ayuda ngadto sa mga kwalipikadong benepisyaryo.
Nagpasalamat ang Lokal nga Panggamhanan sa Mutia sa tanang kaabag nga ahensya ug mga benepisyaryo sa ilang kooperasyon ug suporta sa malampusong pagpatuman sa programa.(JENIFFER JR. DELICA)
Source: Mutia Lgu Mio