Mitabang dayon ang mga personnel sa Emergency Medical Services sa Salug Municipal Fire Station sa usa ka motorista nga naangol sa aksidente sa Barangay Poblacion East, Salug niadtong Hulyo 13.
Pag-abot sa mga responder, ilang nasuta nga alerto ug nakatubag pa ang pasyente apan adunay samad sa tuo nga bitiis. Gihatagan dayon kini og first aid lakip ang paghinlo sa samad ug gisusi usab ang iyang vital signs nga nahibal-an nga normal.
Nagpabiling lig-on ang kahimtang sa pasyente ug midumili kini nga dad-on sa ospital bisan pa sa tambag sa mga responder nga mopailalom sa dugang medikal nga ebalwasyon.
Padayon nga nagpahinumdom ang Salug Municipal Fire Station sa publiko sa kamahinungdanon sa dayong medikal nga pagpatambal human sa aksidente aron malikayan ang posibleng komplikasyon.(JENIFFER JR. DELICA)
Source: Salug Bfp