PIÑAN — Gituki ug gi-evaluate sa Lungsod sa Piñan ang kahimtangan sa kalinaw ug kahusay, siguridad sa katawhan, ug mga programa batok sa iligal nga droga atol sa Joint Municipal Peace and Order Council ug Municipal Anti-Drug Abuse Council meeting alang sa unang quarter sa Calendar Year 2026 niadtong Enero 23.
Gipunting sa miting ang mga update sa peace and order situation, assessment sa seguridad, nahuman nga mga programa, ug mga estratehikong lakang aron masiguro ang husto ug epektibong pagpatuman sa mga plano, lakip na ang matarong nga paggamit sa pondo sa gobyerno.
Pinaagi sa panaghiusa sa lokal nga pangagamhanan ug mga miyembrong konseho, gipabaskog sa Piñan ang ilang paningkamot alang sa usa ka luwas, hapsay, ug progresibong komunidad.(JENIFFER JR. DELICA)
Source: Mayor Rommel Gudmalin