Gipahigayon sa Bureau of Fire Protection Dipolog City ang Physical Agility Test alang sa mga aplikante sa Fire Officer 1 isip kabahin sa padayon nga proseso sa ilang recruitment.
Gipangulohan ang kalihokan nila Acting City Fire Marshal Fire Senior Inspector Aprilyn B. Barbaso ug Fire Chief Inspector Edselle E. Manogura, diin gisulayan ang pisikal nga kusog, kalig-on, ug kahimsog sa matag aplikante aron masuta ang ilang kaandam sa pagsulod sa serbisyo.
Gipakita sa mga aplikante ang ilang determinasyon ug disiplina sa pagtuman sa matag hagit nga gilatid sa Physical Agility Test, nga usa sa mga mahinungdanong lakang sa pagpili sa mga kwalipikadong mahimong Fire Officer 1.
Sumala sa BFP Dipolog City, padayon nilang gipalig-on ang ilang paningkamot sa pagpili og mga adunay igong kahimtang sa lawas ug kaandam sa pagserbisyo aron masiguro ang lig-on ug episyenteng serbisyo sa komunidad.(JENIFFER JR. DELICA)
Source: BFP R9 Dipolog City Fire Station