Dipolog: Php34,000.00 nga kantidad sa ilegal nga droga nasakmit sa Molave

Drug Enforcement Team sa Molave Municipal Police kauban ang Zamboanga del Sur Provincial Intelligence Unit, Regional Intelligence Unit 9 ug 1st Zamboanga del Sur Provincial Mobile Force Company nipahigayon og pagpatuman sa balaod pinaagi sa drug buy-bust sa Purok Mars, Sitio Villasis, Brgy. Rizal, Molave, Zamboanga del Sur ala 1:40 sa kaadlawon sa Disyembre 11, 2023.

Ang operasyon miresulta sa pagkasikop sa usa ka drug suspect ug ang pagkumpiska sa duha ka piraso sa heat-sealed transparent plastic sachet nga adunay sulod nga gidudahang shabu, nga motimbang og 5 gramos nga adunay standard presyo nga Php34,000.00, usa ka piraso nga Php1,000.00 nga gigamit nga marked money, Php15.00 nga sensilyo sa lain-laing denominasyon.

Ang nasikop anaa na karon ilawom sa kustodiya sa Molave Municipal Police Station alang sa tukmang disposasyon.

(Source: PNP ZamPen)