Tulo ka heat-sealed transparent plastic sachet nga adunay sulod nga puti nga Kristal granules nga gituohang shabu nga adunay gibana-bana nga gibug-aton nga 2 gramos ug standard drug presyo nga PhP13,600.00, usa ka unit Wiko cellular phone, usa ka Berlin cigarette pack, usa ka PhP1,000.00 nga salapi diin gigamit isip marked money ug usa ka unit nga itom nga Honda XRM nasakmit sa mga PNP personnel sa Dipolog City Police Station, Zamboanga del Norte, Provincial Drug Enforcement Unit, 901 st Maneuver Company, RMFB 9 ubos sa koordinasyon sa PDEA sa gipahigayong buy-bust operation sa South Curvada, Galas, Dipolog City alas 6:45 sa gabii niadtong Septiyembre 18, 2023.
Ang operasyon miresulta sa pagkasikop ni Rico Ponce, 25 anyos, ulitawo, walay trabaho, ug residente sa Purok 2, Brgy Opao, Dapitan City.
Nakuha ang mga nakumpiska nga druga ngadto sa Zamboanga del Sur Provincial Forensic Unit alang sa eksaminasyon. Ang dinakpan anaa na sa kustodiya sa Dipolog City Police Station alang sa tukmang disposasyon.
(Source: PNP ZamPen)