Nakigbahin ang mga personnel sa Siocon District Jail sa Brigada Eskwela 2026 pinaagi sa pag-apil sa mga kalihokan sa pagpanglimpyo ug pagpangandam sa mga eskwelahan sa Siocon Central School ug Bliss Elementary School.
Gipahigayon ang maong inisyatiba ubos sa pagdumala ni JCINSP Achmed Aziz A. Pia aron matabangan ang mga tunghaan sa pag-andam alang sa pag-abli sa klase ug masiguro ang limpyo ug luwas nga palibot alang sa mga estudyante.
Kabahin sa ilang gihimo ang general clean-up ug uban pang mga buluhaton nga makatampo sa pagpalambo sa kahimtang sa mga eskwelahan sa maong distrito.
Gipasiugda usab sa kalihokan ang kahinungdanon sa panaghiusa, bolunterismo ug bayanihan sa komunidad aron masuportahan ang edukasyon ug kabatan-onan sa lungsod.(JENIFFER JR. DELICA)
Source: Siocon District Jail- BJMPR9