Si PCPT Charlot M Lapiz, Assistant Chief sa Police Community Affairs and Development Unit (PCADU) masigarbuhong mipabati sa tanan nga hapsay ug linaw ang pagsaulog sa SEMANA SANTA inubanan sa koordinasyon sa bag-ong pagdumala ni PCOL Rainer P Diaz, Provincial Director sa Zamboanga del Norte Police Provincial Office (ZNPPO, gawas lang sa nahitabong sunog sa Sibutad ning lalawigan nga gikatahong walay lain nga naamong sa sunog.Atol sa maong interbyu sa kauban natong tigbalita kagahapon sa buntag, Abril 1, 2024.
Matud pa ni PCPT Lapiz nga sa pagkakaron wala pa silay mga bag-ong aktibidad ang ZNPPO. Iyang gipaabot nga dili angay ikabalaka sa tanan kay kung aduna man gani mga aktibidad una gayud ang mga Media practitioners sa probinsya ang mahibalo. Sa ingon niini aron mapahibalo sa publiko ang mga kalihukan ubos sa pagdumala ni PD Diaz inubanan sa supporta sa PCADU.
Mapasalamaton kaayo si OIC PCOL DIAZ sa ZNPPO ug sa tanan mga Chief of Police tungod kay sila mao ang gauna o frontline nga mahimong hapsay ug malinawon ang pagsaulog sa Semana Santa apil na ang mga personahi sa kada municipal sa gipakita nga paningkamot sa ilang commitment sa paghatag ug seguridad sa mga Zanortehanon aron luwas ang mga constituents ilabi na ang kooperasyon sa mga katawhan nga nakatagamtam ang Zamboanga del Norte sa hapsay ug malinawon nga pagsaulog sa Semana Santa. (Angelica T. Obina)