Gibisita sa mga opisyal sa Philippine Coast Guard (PCG) si Hon. Mayor Evelyn T. Uy didto sa Mayor’s Office, Government Center kagahapong adlawa, Hulyo 14, 2025.
Gipangulohan ang maong courtesy visit ni LTJG Sonny Philip E. Habal, PCG, Commander sa Coast Guard Station Zamboanga del Norte, kauban si LTJG Rosseau Z. Clerigo, PCG, Sub-Station Commander sa Coast Guard Station Dapitan.
Tumong sa ilang pagbisita ang pagpabakod sa kooperasyon ug panaghiusa tali sa Philippine Coast Guard ug City Government of Dapitan, ilabi na sa mga lakang kabahin sa kaluwasan sa kadagatan, seguridad sa baybayon, ug kahandam sa mga katalagman.
Sa ilang mensahe, gipadayag sa mga opisyal sa PCG ang ilang pagpasalamat sa suporta sa lokal nga panggamhanan ug ang ilang paningkamot sa pagpadayon sa serbisyo alang sa seguridad ug kaayohan sa komunidad.
Mipadayag usab si Mayor Uy sa iyang pagpasalamat sa ilang bisita ug mipasalig sa padayong suporta ug kooperasyon alang sa kaluwasan ug katawhan sa lungsod.(Jumalisa Papa)
Source: Dapitan City Government