Pormal nga gisugdan ang “PAYOUT” sa Social Pension alang sa mga kwalipikadong miyembro sa Senior Citizens, dinhi sa dakbayan, Nobyembre 21, ning tuiga.
Ang unang batch sa buntag nga nakadawat sa maong Social Pension mao ang mga Senior Citizens nga lumulupyo sa Barangay Diwan, Cogon, San Jose ug Estaka samtang ang nakadawat sa hapon mao ang Barangay Sangkol, Punta ug Gulayon. Nasayran nga ang maong Social Pension mikantidad ug Php 1,500.00 alang sa bulan Octobre taman Disyembre ning tuiga.
Nasayran nga adunay kinatibuk-ang 5,892 ka mga Senior Citizen dinhi sa dakbayan ang makadawat sa maong Social Pension.
Sigun sa dugang nasayran, nga matag senior citizen ang kinahanglan nga magdala sa ilang Senior Citizen I.D ug usa ka photocopy nga maoy-ipresentar unya atol sa pagkobra.
(Source: Dipolog City Government Facebook page)
