Mipadayon sa pagduol sa serbisyo ngadto sa mga Agrarian Reform Beneficiaries (ARBs), si Provincial Agrarian Reform Program Officer (PARPO) II Daisy Dell Suan Digamon pinaagi sa pagbisita sa Department of Agrarian Reform (DAR) Municipal Office sa Kalawit.
Gidawat siya ni Municipal Agrarian Reform Program Officer (MARPO) Peter Paul Cajocon ug sa iyang mga kawani, diin ilang gihisgutan ang pagpalig-on sa koordinasyon aron mas mapaspas ang paghatag og serbisyo sa mga benepisyaryo sa agraryong reporma.
Atol sa pagbisita, personal nga gipaminaw ni Digamon ang mga pangutana ug kabalaka sa mga ARBs kalabot sa ilang mga yutang agrikultural ug gihatagan sila og giya ug angay nga tabang.
Sumala sa DAR Zamboanga del Norte, kabahin kini sa padayon nilang paningkamot sa paghatag og mas duol, episyente ug people-centered nga serbisyo alang sa mga mag-uuma sa probinsya.(IKEN B. GULLEM)
Source: DAR Zamboanga del Norte Province