Malampuson nga napahigayon ang Panagtapok 2026 nga nagtigom sa mga residente ug mga Gutalacnon sa usa ka selebrasyon nga nagpunting sa panaghiusa, pagtinabangay, ug pagpasalamat sa komunidad.
Gipahayag ni Mayor Eddie Justin Quimbo ang kalipay sa kalampusan sa maong kalihokan diin nakita ang aktibong partisipasyon ug suporta sa katawhan pinaagi sa ilang pag-apil ug pakighiusa.
Matud pa sa lokal nga liderato, ang Panagtapok 2026 nahimong higayon aron mapalig-on ang relasyon sa matag Gutalacnon ug mapakita ang espiritu sa pagkahiusa pinaagi sa pagtinabangay ug pagsuporta sa mga kalihukan sa lungsod.
Gipasalamatan usab sa municipal government ang tanang nitambong ug miambit sa kalampusan sa programa nga giila nga usa ka makahuluganon nga selebrasyon alang sa komunidad.
Samtang nagpadayon ang mga kalihukan sa lungsod, gipasiugda sa lokal nga panggamhanan ang ilang paningkamot sa pagdala og dugang programa ug proyekto nga magpalig-on sa panaghiusa ug kalamboan sa Gutalac.(IKEN B. GULLEM)
Source: Mayor Eddie Justin Quimbo