Ang “Panagsangka 2025” gisugdan sa Hunyo 18,2025 nga gipangunayan sa Lokal nga Kagamhanan ning dakbayan para sa umaabot nga kasaulogan sa ika 112th “Adlaw sa Dipolog” nga gipahigayon didto sa Museo Grounds, ning siyudad sa may alas 2:30 ang takna sa kahapunon.
Ang nahisgutan nga aktibidad gisugdan sa usa ka Santos nga Misa nga gidumala ni Rev. Fr. Enrico V. Montano. Ug gisundan kini sa Opening Program nga gipangunahan ni Hon. Marilou Y. Calibo isip representante ni Dipolog City Mayor Darel Dexter T. Uy, uban nila ni Market Supervisor, Mr. Alexander C. Batilong, Dipolog City-SK Federation President, Hon. Kristine Irish May M. Cuenca, mga Heads of Offices, inubanan sa ubang mga mitimbaya sa nagkaraiya nga ahensya,departamento ug lakip usab sa mga kabaranggayan nga mitambong sa nahisgutang nga “Sports Festival”.
Kahibaloan nga ang maong torneyo gilangkuban sa duha ka mga kategorya A) Inter- Office / Schools Events ug 2) Inter-Barangay Volleyball nga gisalmotan sa mga nasudnon ug lokal nga mga ahensya sa gobyerno ingon man sa mga kabaranggayan.
Sa maong programa, gipahigayon usab ang “Drawing of Lots” alang sa schedule sa mga dula nga gipangunahan ni Youth Sports Development Council Chairman Atty. Chandler O. Ruiz.
Matud pa nga ang Panagsangka 2025 Sports Festival ang gipahigayon gikan sa Hunyo 18 hangtud na sa Hulyo 1, isip kick-off activity sa kasaulogan sa ika 112th Adlaw sa Dipolog karong umaabot Hulyo 1, 2025.
Ang Panagsangka 2025 ang gilangkuban sa nagkadaiyang dula sama sa Volleyball, Kickball, Badminton, Table tennis, Darts, Swimming ug Mountain Bike Race.
Ang maong kalihukan natapos pinaagi sa pagkuha ug mga hulagway sa mga partisipanteng mga teams, nga gisundan dayon sa pagsugod sa dulang volleyball sa City Hall Ground.
Daku ang kalipay sa mga katawhan sa Dipolog tungod niini gahatag kini ug dugang talan-awon sa syudad ingon man ka bibo.(Angelica T. Obina)
Source: Dipolog City Government