Naghiusa ang mga esports players ug gaming enthusiasts sa 2026 Panagsangka Mobile Legends Tournament nga gipahigayon sa Museo Grounds, Museo Dipolog, isip kabahin sa selebrasyon sa ika-113 nga Adlaw sa Dipolog.
Gipangulohan sa City Government of Dipolog ang maong torneyo nga nagtigom sa nagkalainlaing teams aron ipakita ang ilang estratehiya, panaghiusa ug kahanas sa usa sa labing popular nga esports game karon.
Gawas sa kompetisyon, nahimong higayon usab ang kalihokan sa pagpalig-on sa panaghigalaay ug sportsmanship tali sa mga magdudula ug mga nanan-aw. Gipakita usab niini ang papel sa online gaming sa paghiusa sa komunidad pinaagi sa himsog ug patas nga kompetisyon.
Kabahin ang Panagsangka Mobile Legends Tournament sa mga tampok nga kalihokan sa Panagsangka 2026, nga nagdugang og moderno ug dinamikong atraksyon sa kasaulogan sa ika-113 nga anibersaryo sa pagkatukod sa Dakbayan sa Dipolog.(JENIFFER JR. DELICA)
Source: Dipolog City Government