Gilunsad sa Lokal nga Panggamhanan sa Sindangan ang PALENG-QR PH Program sa Freedom Stage sa Municipal Plaza aron dasigon ang paggamit sa digital payment sa mga negosyante ug konsumidor sa lungsod.
Gitambongan sa Sindangan Municipal Fire Station ang maong kalihokan ubos sa pagpanguna ni Fire Senior Inspector Francis Carl T. Paulite, Municipal Fire Marshal, isip suporta sa programa nga nagtumong sa mas luwas, paspas ug sayon nga pamaagi sa pagbayad sa mga transaksyon sa merkado.
Gilauman nga ang PALENG-QR PH Program makatabang sa pagpalapad sa paggamit sa cashless payment ilabina sa mga tindero, negosyante ug mga pumapalit, samtang gipalig-on usab ang financial inclusion ug digital transformation sa komunidad.
Pinaagi sa maong inisyatibo, gitinguha sa lokal nga panggamhanan ug sa mga kaabag niini nga mapauswag ang serbisyo ug mapalig-on ang ekonomiya pinaagi sa paggamit sa makabag-ong teknolohiya.(JENIFFER JR. DELICA)
Source: BFP R9 Sindangan Fire Station v2