Nagsubay ang daghang deboto, magsisimba, ug mga bisita sa Dipolog Cathedral niadtong Mayo 23, 2026 alang sa Dipolog Fiesta – Feast of Saint Vincent Ferrer Tudturudtud nga maoy usa sa labing mahinungdanong relihiyoso ug kultural nga kasaulogan sa syudad.
Gipakita sa mga Dipolognon ang ilang lawom nga pagtuo ug pagrespeto kang Saint Vincent Ferrer pinaagi sa pag-apil sa mga pag-ampo, panagtigom, ug pagpasalamat nga nahimong sentro sa kasaulogan karong tuiga.
Nahatagan usab og higayon ang mga pamilya ug komunidad nga magkauban sa usa ka malinawon ug makahulugang selebrasyon nga nagpalig-on sa espiritu sa panaghiusa ug tradisyon taliwala sa katawhan.
Gipasiugda sa maong pista ang lig-on nga cultural identity sa Dipolog diin nagpadayon nga buhi ang pagtuo, kultura, ug kabilin nga maoy naghiusa sa mga Dipolognon matag tuig sa fiesta celebration.(JENIFFER JR. DELICA)
Source: Dipolog City Government