Miduaw kang Dipolog City Mayor Roberto Y. Uy ang 32 ka estudyante nga kabahin sa Lakbay Aral activity gikan sa Barangay Panampalay, Roxas niadtong Mayo 22, 2026 didto sa ika-upat nga andana sa Dipolog City Hall.
Gipangulohan ni Women’s Federation President Angelita L. Rengquijo ang maong grupo atol sa ilang educational visit sa syudad diin mainitong gidawat sila ni Mayor Uy.
Mitan-aw usab sa courtesy visit si City Information Officer Lorenzo A. Aseniero II samtang gipadayag sa mga partisipante ang ilang kalipay sa pagbisita ug pagkat-on gikan sa ilang Lakbay Aral activity.
Gipasiugda sa maong kalihokan ang importansya sa educational exposure ug community learning aron mas mapalapad pa ang kahibalo ug kasinatian sa mga kabatan-onan pinaagi sa mga Lakbay Aral program.(JENIFFER JR. DELICA)
Source: Dipolog City Government