Gisaulog sa City Government of Dipolog pinaagi sa City Social Welfare and Development Office (CSWDO), kauban ang Special Education Center, ang unang adlaw sa 30th National Autism Consciousness Week, nga adunay temang, “Mula Kamalayan Tungo sa Gawa: Pag-unlad ng Autism-OK Philippines,” nga ipahigayon gikan Enero 19 hangtod 23, 2026, sa D’Food Hub, Dipolog City Boulevard.
Kini nagtumong sa pagpalig-on sa kahibalo, pagdawat, ug aktibong suporta alang sa mga indibidwal nga naa sa autism spectrum.
Gisugdan ang kalihukan sa usa ka motorcade, gisundan sa Banal nga Misa ug main program, ug gitambongan sa nmga opisyal ug stakeholders lakip sila North A PSDS Dr. Jovencia M. Samante, CSWDO Officer Patrick S. Jalapadan, Assistant CSDO Officer Jovencia D. Gregory, ug City Councilor Praxides P. Rubia nga mipuli kang Mayor Roberto Y. Uy.
Sa ilang mga mensahe, gi-emphasize sa mga mamumulong ang kahinungdanon sa inklusibo nga komunidad ug panaghiusa sa pagpalambo sa mga programa alang sa persons with autism, nga nagpakita sa padayon nga komitment sa kagamhanan sa dakbayan.(IKEN B. GULLEM)
Source: Dipolog City Government