Masigarbong misalmot ang Local Government Unit (LGU) sa Gutalac, ubos sa pagpanguna ni Municipal Mayor Eddie Justin T. Quimbo, sa pagsaulog sa 2026 International Day Against Drug Abuse and Illicit Trafficking (IDADAIT) nga adunay temang, “World Drug Problem: Persisting Issues, New Challenges, Innovative Response.”
Gipasiugda sa maong selebrasyon ang kamahinungdanon sa padayon nga panaghiusa sa lokal nga kagamhanan ug sa komunidad sa pagbatok sa ilegal nga droga pinaagi sa pagpalig-on sa mga programa sa pagpugong, rehabilitasyon, ug pagpataas sa kahibalo sa publiko.
Samtang, gipasigarbo usab sa LGU Gutalac ang pag-ila sa lungsod isip Highly Functional, nga nagpakita sa epektibong pagpatuman sa anti-illegal drugs campaign ug sa lig-on nga suporta sa tanang sektor sa komunidad.
Sumala sa LGU, magpadayon kini sa pagpatuman sa mga inisyatiba nga nagtumong sa pagmintinar sa usa ka luwas, malinawon, ug drug-free nga komunidad pinaagi sa hiniusang paningkamot sa gobyerno ug sa katawhan.(IKEN B. GULLEM)
Source: LGU GUTALAC-PUBLIC INFORMATION