28.4 C
Manila
Sunday, April 21, 2024

Dipolog: Paglusad sa Proyekto sa ELCAC sa Leon B. Postigo, Zamboanga del Norte, gisalmotan sa 97IB

- Advertisement -

Usa ka proyekto ang gilusad sa Whole of a Nation Approach to End Local Armed Conflict kon (ELCAC) alang sa livelihoods assistance program alang sa Farmers Association sa Midatag ug Tinuyop, Leon B. Postigo nga gipahigayon didto sa Barangay Tinuyop Covered Court ning lalawigan sa Zamboanga del Norte, niadtong Martes, Pebrero 13,2024.

Ang maong proyekto adunay kinatibuk-ang kantidad nga 2.4 milyones ug ang makadawat niini mao ang Farmers Association sa duha ka barangay, nga gipangulohan ni Hon. Bon James Templo sa Midatag ug Mr. Roel Aquino sa Barangay Tinuyop nga nakadawat sila og 1.2 milyones matag usa nga kantidad sa mga produkto sa Agrikultura alang sa produksyon sa humay.

Ang maong kalihokan gisalmotan sa mga importanteng personahe nga gilangkuban sa Army’s 97th Infantry Battalion Major Noelio S. Brigole Jr., Executive Officer sa 97th Infantry (KALASAGLAHI), uban ni Retired Major General Rene Glenn Paje, OPAPRU Regional Adviser of Peace and Security, Col. Eddie M. Pilapil, Deputy Brigade Commander sa 102nd (IGSOON) Brigade, Hon. Runie O. Jamora, Municipal Mayor sa Leon B. Postigo.

Kini nga inisyatiba nahimong posible pinaagi sa Community Peace Development Fund sa Office of the Presidential Adviser on Peace, Reconciliation, and Unity kon (OPAPRU).

Si Deputy Brigade Commander sa 102nd Brigade, Colonel Eddie M. Pilapil mipaambit sa iyang mahinungdanon nga mensaha alang sa panaghiusa, kooperasyon, ug komunikasyon nga imortante alang sa kalampusan.Kinahanglan nga magtinabangay,maghiusa sa matag desisyon alang sa kalamboan ug ang maayo nga komunikasyon importante usab aron epektibong makapahayag sa mga hunahuna ug ideya. Pinaagi sa panaghiusa ug pagtinabangay, alang sa kalampusan.

Si Retired Major General Rene Glen O. Paje miingon,usab mipaabot sa iyang mensaha nga nagkanayon nga ang paglusad sa livelihood assistance project nagtumong sa paghatag og livelihood support sa mga lungsod nga naapektuhan sa panagbangi, aron mapalambo ang kahimtang sa panginabuhi sa atong mga katagilungsod sa kakabos.

Dugang pa niya, nga ang Opisina sa OPAPRU motabang magpadayon sa pagpaningkamot sa pagtigom og dugang nga pondo ug suporta alang sa mga proyekto aron matubag ang mga panginahanglan sa komunidad.

Samtang, si Lieutenant Colonel Jimmy J. Sanz ang Commanding Officer sa 97th Infantry (KALASAGLAHI) Battalion miingon, matod pa nga ang maong paningkamot nagpaila sa nagpadayon nga pasalig sa 97th Infantry Battalion nga aktibong moapil sa mga proyekto nga nagpasiugda sa kalinaw, pakig-uli, ug pagpalambo sa komunidad.

Nunot sa maong proyekto usab nga kini nagtataw sa Executive Order No. 70 o ang Whole of a Nation Approach in Ending Local Communist Armed Conflict (ELCAC) aron mahunong na ang pagpangilad sa teroristang New People’s Army sa atong nasud.

Sa katapusan ang maong programa usa sab kini sa naghatag ug malungtarong oportunidad sa mga mag-uuma, nga makatampo sa ilang ekonomikanhong empowerment ug kinatibuk-ang kalamboan ug pagkunhod sa walay hunong nga pag gukod sa kapildihan sa inurhensya sa atong nasud.

(Medalyn U. Borja)
(Source: 97th Infantry “KALASAGLAHI” Batallion)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -