Nagpahigayon ang Department of Agrarian Reform (DAR) Zamboanga del Norte og Fundamentals of Cooperatives Training alang sa mga opisyal ug miyembro sa La Libertad Agrarian Reform Beneficiaries Cooperative (LARBECO) sa North Mapang, Rizal.
Ang usa ka adlaw nga pagbansay nagtutok sa mga batakang kahibalo sa pag-operate ug pagdumala sa usa ka kooperatiba, lakip ang cooperative identity, katuyoan, prinsipyo, ug maayong governance.
Gipangunahan sa mga personnel sa DAR ang pagbansay aron mas mapaambit sa mga partisipante ang gikinahanglang kahibalo alang sa ilang mga responsibilidad isip mga opisyal ug miyembro sa kooperatiba. Ang maong training kabahin usab sa mga kinahanglanon sa Cooperative Development Authority (CDA).
Samtang, gipangulohan ang training ni Senior Agrarian Reform Program Officer Christy P. Gonzales, uban nila ARPO I Maureen Kaye T. Soropia, ARPO I Runa Jane B. Sabac, ug ARPO I Donnica M. Jainuddin. Mitabang usab sa kalihokan si MARPO Reysa S. Lopina ug ang DAR Municipal Office team.
Kabahin ang maong pagbansay sa competency enhancement programs sa Program Beneficiaries Development Division (PBDD) sa DAR Zamboanga del Norte ubos sa pagpangulo ni Provincial Agrarian Reform Program Officer II Daisy Dell Suan Digamon.(IKEN B. GULLEM)
Source: DAR Zamboanga del Norte