Gipadas-og karon ngadto sa buhatan ni President Ferdinand Marcos Jr., ang pag aproba sa Hulyo 1, 2024 isip “Special Non-Working Holiday” alang sa syudad sa Dipolog ubos sa Resolusyon No.24-893.
Kini nga sugyot gihimo atol sa Sangguniang Panglungsod session niadtong nakalabay nga Mayo 7,2024 dinhi ning syudad sa Dipolog.
Si Konsehal James P. Verduguez kinsa nanguna sa maong resolusyon ug gisegundahan nila ni Konsehal Jonald C. Napigquit ug Konsehal James Cyril L. Ruiz III,kinsa usab nibutyag pinaagi na sa buhatan ni Executive Secreary Lucas P. Bersamin nga ideklarar isip usa ka “Special Non-working Holiday” ang Hulyo 1, 2024, dinhi sa dakbayan sa Dipolog.
Tumong niini mao ang mahatagan ug kahigayonan ang mga Dipolognon nga magsaulog sa kasumaran alang sa ika 111 nga paghandom sa pagkahimugso ning atong siyudad, ug gidapit ang tanan sa pagsalmot sa maong kalihokan.
Kahinumdoman niadtong 1913 nilambo ang dakbayan sa Dipolog sukad nahimo kining usa ka local government unit busa angay nga himuon kining makasaysayanon sa tanang Dipolognon. (Medalyn U. Borja)
(Source: Dipolog City Government)