Nagpadayon karong Agosto 8, 2026 ang 292nd Tzu Chi Medical and Surgical Mission sa Zamboanga del Norte Medical Center Annex Building, Barangay Sicayab, Dipolog City, diin daghang mga pasyente ang nakapahimulos sa medical consultation, minor surgical procedures ug uban pang serbisyong medikal.
Gipadayag ni Dr. Anton Mari H. Lim, Deputy CEO sa Tzu Chi Foundation Philippines, nga ang kalampusan sa maong misyon gisuportahan sa Provincial Government of Zamboanga del Norte ubos sa administrasyon ni Governor Darel Dexter T. Uy, kauban ang ZNMC, ZNMC Medical Team ug Provincial Health Office.
Lakip sa mga nakapahimulos mao sila Cherie Mae M. Selorio, 36 anyos, taga-Labason, ug Arcelie B. Hamac, 29 anyos, taga-Tampilisan, nga parehong malampusong naoperahan sa goiter. Padayon usab karong katapusang adlaw ang mga volunteer doctors sa Tzu Chi International Medical Association sa paghatag og serbisyo sa mga pasyenteng nanginahanglan og medical ug surgical care.(JENIFFER JR. DELICA)
Source: Zamboanga del Norte Provincial News Network