Siento por siento o (100%) ang nahuman sa kapin sa P465 million nga kantidad sa Road Segment 1 ug 2 sa Farm To Market Road (FMR) sa Labason paingon sa Kalawit, proyekto sa Department of Agriculture (DA)-Philippine Rural Development Project (PRDP) ug PLGU-Zambo. Norte ubos sa administrasyon ni Gobernador Rosalina ‘Nanay Nene Jalosjos.
Kini ang nasayran human ang Provincial Project Management Committee ubos sa pagpangulo ni Engr. Rey Eguia, OIC sa Provincial Engineering Office (PEO) ug Engr. Ogoc, PEO Project Inspector.
Apil sa proyekto mao ang contractor sa WTG Construction and Development Corporation-Edanna Construction-Joint Venture ni Engr. Edgar Cabading, ang Authorized Managing Officer sa Edanna, niadtong Marso 29 ning tuiga.
Matud pa ni Engr. Eguia nga kining Subproject Rehabilitation/Concreting sa 32.27-kilometros nga Farm to Market Road nga adunay Unom (6) ka Units sa RCBC, Line Canal, Cross Drainage ug Slope Protection sa NRJ, naglangkob sa pito (7) ka barangay sa Gatas, Kalawit-Batayan-Poblacion , (Food-Bayan)- Daniel Maing,-Gabu, Labason-Lawigan, to Osukan.
Dugang ni Engr. Eguia nga ang farm to market road (FMR) nga nagdugtong sa lungsod sa Kalawit ngadto sa lungsod sa Labason maoy labing dakong proyekto sa DA-PRDP sa tibuok Pilipinas diin hangtod karon wala pay nakalabaw niini nga proyekto.
Dugang pa ni Eguia nga usa kini ka infrastructure subproject nga gipundohan karon sa World Bank, Department of Agriculture sa pakigtambayayong sa provincial government isip implementing Local Government Unit (LGU).
(Source: Provincial Information Center Zanorte Facebook page)