Mikabat sa P136-Mil nga balor sa ilegal nga drugas ang nakuha gikan sa mga inila nga (HVI) kon High Value Individuals nga babaye ug lalaki sa gikasa nga buy-bust operation sa mga sakop sa RDEU 9 Zanorte Team kauban ang Labason Municipal Police Station, ZN 2NDPMFC ug sa koordinasyon sa ZN PDEA 9, mga alas 10:22 sa buntag sa Marso 16, 2024, didto sa Purok Uno, Sitio Tubak, Brgy. Kipit, Labason, Zamboanga del Norte.
Nasikop ang mga suspetsado human napalitan sa mga otoridad ug usa ka piraso nga medium-size nga heat-sealed transparent plastic sachet nga adunay sulod nga white crystalline granules nga gituohang “shabu” isip buy-bust evidence.
Nasakmit gikan sa possession sa mga suspek ang lima ka piraso sa medium-size nga heat-sealed transparent plastic sachet nga adunay sulod nga white crystalline granules nga gituohang ” shabu” , usa ka piraso sa P500 peso-bill nga gigamit isip buy-bust money, usa ka piraso sa P1000 peso bill nga nagsilbing proceeds money, usa ka plastic round container nga adunay sulod, pila ka piraso sa improvise cut aluminum foil nga nagsilbing gutter, ug usa ka sling bag nga kolor itom isip sudlanan sa tanang narekober nga butang.
Ang mga nakompiska nga gidudahang delikado nga drugas motimbang ngadto sa 20 gramos ug kini gi-turnover sa ZN Provincial Forensic Unit alang sa qualitative ug quantitative examination.
Samtang,ang mga dinakpan gipahibalo sa ilang mga katungod sa konstitusyon pareho sa Miranda Warning ug Anti-Torture Law ug anaa naka kustodiya sa Labason MPS alang sa tukmang disposisyon. (Medalyn U. Borja)
(Source: PCADU, Zambonga del Norte Police Provincial Office)
