Mokabat 150 ka mga beneficiaries sa TUPAD kun Tulong Pangkabuhayan para sa displaced and disadvantage workers niining panahon sa pandemic, ang malampusong na pailawom sa orientation, didto sa covered court sa barangay Villa Hermosa, lungsod sa Polanco, ning lalawigan sa Zamboanga del Norte.
Ang 150 ka mga beneficiaries mao ang ika-upat nga hugna sa pag panghatag sa TUPAD sa congressman sa unang distrito Romeo Jalosjos, Jr. diin matag usa ka beneficiary, mag pakadawat sa ₱ 4,700.
Sa mensahe ni Mayor Evan Hope “Boyet” Olvis, iyang gisaysay nga ang 150 ka mga beneficiary maoy pa apas alang sa ika upat nga hugna. Matud pa sa mayor ngaduna pay laing hugna ang mo abot, sanglit aduna pay daghang pundo ang kongresista para sa mga katawhan nga wala pa ma apil sa maong programa.
Gipasalamatan sa mayor ang congressman sa unang distrito sa kakugi niini sa pag pangalap sa maongTUPAD, para mahatag sa mga katawhan. Sayon duolon, usa lang ka tawag sa pag pahibalo sa mga programa, dili gayud mo balibad ug motabang gayud dayon sa kanunay. (Ryan Uy)