Nagpadayon ang ika-10 ka adlaw sa 32-Day Organic Agriculture Production NC II Training alang sa Cocob ALSA MASA Farmers’ Association sa Barangay Cocob, Gutalac, Zamboanga del Norte, Philippines niadtong Mayo 14, 2026.
Ang kalihokan gipangulohan sa R-PSB Team sa Zamboanga del Norte 2nd Provincial Mobile Force Company ubos sa pagpanguna ni PLTCOL Edwin D. Verzón ug kaabag ang TESDA trainer nga si Carrine A. Antolin.
Sa maong sesyon, gitudloan ang mga partisipante sa lecture ug hands-on training kabahin sa lain-laing klase sa organic fertilizer ug sakto nga paagi sa pagprodyus niini. Tumong niini nga mapalambo ang kahibalo sa mga mag-uuma sa sustainable farming ug mapalig-on ang ilang abilidad sa eco-friendly agriculture practices.
Sumala sa mga organizers, ang training naghatag og kahigayunan sa mga farmers nga makakat-on og praktikal nga kahanas nga makatabang sa pagpausbaw sa ani ug pagpalig-on sa panginabuhi sa ilang komunidad.(IKEN B. GULLEM)
Source: Zamboanga del Norte 2nd PMFC