Gipahibalo sa Office of the Provincial Social Welfare and Development Officer o OPSWDO ang bag-ong iskedyul sa pag-apod-apod sa bugas ubos sa LGSF-FALGU Rice Project karong Agosto 17 sa Leon B. Postigo ug Godod.
Sa Leon B. Postigo, sugdan ang distribusyon alas 9:00 sa buntag sa Municipal Gymnasium, diin 1,712 ka panimalay ang gikatakdang makadawat og bugas.
Samtang sa Godod, magsugod ang pag-apod-apod alas 10:00 sa buntag sa Barangay Miampic alang sa 545 ka panimalay. Magpadayon usab kini sa Barangay Banuangan alas 1:00 sa hapon.
Giawhag sa OPSWDO ang mga kwalipikadong benepisyaryo nga motambong sa gitakdang oras ug lugar ug magdala og valid government-issued ID aron masiguro ang hapsay nga pag-apod-apod sa bugas.(JENIFFER JR. DELICA)
Source: Zamboanga del Norte Provincial News Network