Sikop sa gilusad nga buy bust operation sa mga personahe sa kapulisan ang usa ka Lalaki,mga alas 10:10 ang takna sa kabuntagon Enero 5,2025,didto sa Brgy. Bucana, Siocon, Zamboanga del Norte.
Naila ang dinakpan nga usa ka 42 anyos nga lalaki,mananagat kinsa gikataho nga usa ka Street level individual (SLI)
Nasikop kini ubos sa pagpangulo sa Siocon MPS uban sa koordinasyon sa PDEU, 2nd ZNPMFC, ug 905th RMFB9,ug nakumpiska gikan sa posesyon ug kontrol sa suspek mao ang usa ka medium elongated heat-sealed transparent plastic sachet, tulo ka gagmay elongated sachet, lima ka medium elongated sachet nga adunay sulod nga white crystalline substance, usa ka PHP 500 bill isip buy bust money,walo ka P100 bills, ug onse ka ginunting nga rolled aluminum foil.
Gibana-bana nga anaa sa 2 gramos ang maong gidudahang “shabu” nga mobalor sa P13,600.00.
Ang mga nakumpiska nga drug items gisumiter ngadto sa Zamboanga del Norte Forensic Unit alang sa eksaminasyon, samtang ang dinakpan gibalhog sa kustodiya sa Siocon MPS alang sa tukmang disposasyon.(Medalyn U. Borja)
Source: ZNPPO