Usa ka 85-anyos nga lalaki, si Juan “Johnny” Sabanal, ang napalgan nga patay sulod sa iyang panimalay sa Barangay Lanao, Moalboal, Habagatang Sugbo, niadtong Domingo sa buntag, Enero 5, 2025.
Gituohang siya gitulis ug gipatay tungod kay nawagtang ang iyang mga alahas nga bulawan, sama sa singsing ug kwentas, ug walay sulod ang iyang pitaka. Nakaplagan usab ang usa ka kahoy nga may dugo nga posibleng gigamit sa krimen.
Ang mga kabanay ni Noy Johnny nagduda nga adunay foul play sa iyang kamatayon ug nanawagan sa mga awtoridad ug katawhan sa Barangay Lanao nga mahatagan ug hustisya ang biktima ug madakpan ang responsable sa maong krimen.
Sa pagkakaron, ang Moalboal Police nagpadayon pa sa ilang imbestigasyon aron masuta ang tinuod nga hinungdan sa maong trahedya.
📸 CTTO
I via Renante Socia Lada