Nasikop sa gikasa nga buy-bust operation sa mga personahe Sindangan Municipal Police Station (MPS) sa koordinasyon sa 1st ZNPMCC, ang usa ka notadong Street Level Individual, pasado alas 7 ang takna sa kagabhion, Abril 6,2025 didto sa Brgy. Calatunan, Sindangan, Zamboanga del Norte.
Ang dinakpan naila nga usa ka 29-anyos nga lalaki, minyo ug residente sa Brgy. Maras, Sindangan Zamboanga del Norte,kinsa notadong Street Level Individual (SLI).
Atol sa operasyon, nasakmit ang kinatibuk-ang 4 ka gramos nga gituohang “shabu” nga adunay gibanabanang street value nga P27,200.00.
Ang mga nakumpiska naglakip sa: usa ka heat-sealed transparent plastic sachet nga adunay sulod nga usa ka gramos sa gituohang shabu (buy-bust item) nga mubalor sa P 6,800.00, tulo ka dugang nga heat-sealed sachet nga adunay sulod nga tulo ka gramos sa gituohang shabu nga gibana-bana nga mobalor sa Php 20,400.00, usa ka folded filter nga sudlanan sa sigarilyo, usa ka piraso sa marked money nga P1,000 bill, usa ka pakete sa New Berlin nga sigarilyo, usa ka tubo sa tubig, usa ka cellular phone ug upat ka walay sulod nga plastic sachet.
Ang mga ebidensiya sa drugas giturn-over ngadto sa Provincial Forensic Unit,samtang ang dinakpan nga suspek anaa sa kustodiya sa Sindangan MPS alang sa tukmang disposasyon.(Medalyn U. Borja)
Source: ZNPPO