Nagpahigayon ug Turn-out Service Area Group (TSAG) Meeting ang National Irrigation Administration–Zamboanga del Norte Regional Sub-Office (NIA ZDNRSO) uban sa Lugsong Dipolog Irrigators’ Association (IA) sa Lugdungan Solar-Powered Irrigation System (SPIS).
Pinangulohan ni Acting Manager Engr. Jessreel R. Intic, ang panagtagbo nagtutok sa paghisgot sa mga isyu sa operasyon ug pagpalig-on sa koordinasyon tali sa NIA ug mga mag-uuma aron mapaayo ang serbisyo sa irigasyon sa lugar.
Usa sa gihatagan ug prioridad mao ang pagpaayo sa Solar Pump House 1, ilabi na ang pagtuman sa nahabiling koneksyon ug gamayng teknikal nga ayuha aron masiguro ang padayong pag-suplay sa tubig. Gitakda sa NIA technical team ang site inspection ug follow-up activities aron dayong masulbad ang mga teknikal nga problema.
Gihisgutan usab ang proposed Solar Dryer site diin nagkauyon ang NIA ug IA nga magtinabangay sa pag-andam sa yuta, ang NIA motabang sa equipment, samtang ang IA moprovide sa labor ug pagdumala. Ang panaghiusa nagpamatuod sa lig-on nga bayanihan tali sa ahensya ug mga mag-uuma.
Pinaagi sa padayon nga koordinasyon, gipakita sa NIA ZDNRSO ug Lugsong Dipolog IA ang ilang komitment sa mas episyenteng irigasyon ug pagpalig-on sa panginabuhian sa mga mag-uuma sa Zamboanga del Norte.(IKEN B. GULLEM)
Source: NIA Zamboanga Peninsula