Gipahigayon ang mahinungdanong courtesy visit sa mga sakop sa BMW Owners Society of Saferiders (BOSS) ngadto kang Governor Darel Dexter T. Uy kaniadtong, Nobyembre 10, 2025, sa Provincial Capitol, diin gihisgutan ang kahimtang sa preparasyon alang sa prestihiyosong BOSS Iron Mindanao Cup.
Gipangulohan ni Jojit Allan Derije, Executive Vice President sa BOSS, kauban si PLTCOL Kishna Asaali, Hepe sa PNP Dipolog, si Jon Bañaga, ug uban pang kauban, gipasabot sa grupo ang detalye sa umaabot nga endurance ride nga nagpunting sa pagpalambo sa road safety ug turismo sa Mindanao.
Gilauman nga moagi ang mga riders sa ruta nga Ozamis–Dipolog–Dapitan–Molave, nga nagpunting sa nag-unang destinasyon sa Mindanao ug nagpalambo sa kaluwasan sa dalan ug turismo.
Gidayeg ni Governor Uy ang inisyatiba sa BOSS ug mipadayag sa tibuok nga suporta sa probinsyal nga pangagamhanan, ilabina sa panginuy-anan nga mapalapdan ang kahibalo sa luwas nga pagmotor ug mapadako ang economic activities pinaagi sa turismo.(IKEN B. GULLEM)
Source: Zamboanga del Norte Provincial News Network/Photos by Paul Gabriel Facturan | OSAC-Provincial Governor’s Office