Nagpahigayon ang National Irrigation Administration (NIA)-Zamboanga del Norte Regional Sub-Office (NIA ZDNRSO) kauban ang Department of Social Welfare and Development ug Provincial Veterinary Office ug usa ka adlaw nga Nutrition ug Feed Management training alang sa Mitunga Zero Hunger SLP Association aron palig-onon ang ilang kahibalo sa pagdumala sa livestock ug poultry, didto sa Sinuyak, Katipunan, Zamboanga del Norte.
Sa maong training, gitudloan ang mga partisipante sa hustong nutrisyon sa hayop, feed formulation, ug epektibong management practices nga makatabang sa mas taas nga produksiyon ug malikayan ang pagkawala sa hayop. Ang mga eksperto sa NIA ug PVO naghatag ug detalyadong lecture ug hands-on demo nga giangay para sa panginahanglan sa asosasyon.
Gilauman nga pinaagi sa maong pagbansay, mas mapaayo sa asosasyon ang ilang operasyon, mas mapalig-on ang food security sa barangay, ug mas masuportahan ang tumong sa Zero Hunger Program. Ang aktibidad nagpakita usab sa lig-on nga panagiusa sa NIA, DSWD, ug PVO sa pagpalambo sa kinabuhi sa mga mag-uuma ug sa pagdasig sa malungtarong agrikultura sa lalawigan.(IKEN B. GULLEM)
Source: NIA Zamboanga Peninsula