Usa ka Desilting,Canal restoration ug General Pintakasi ang malampusong napahigayon sa mga kawai gikan sa National Irrigation Administration (NIA) Region IX pinaagi sa Lagag Communal Irrigation System (CIS) alang sa padayong pasalig sa pagpalambo sa serbisyo sa irigasyon ug pagsiguro sa pagkaandam sa sistema alang sa umaabot nga panahon sa pagpananom, sa mga lungsuranon sa Barangay Lagag, Sindangan, Zamboanga del Norte, Mayo 4,2026.
Ang maong kalihokan gihimo uban sa mga miyembro nga sakop sa Barangay Lagag, Sindangan, Zamboanga del Norte asosasyon ,Local Government Unit sa Sindangan, pinaagi ni Lagsidesi Irrigators’ Association IA President Wilson Catubag, diin gihimo niini ang episyente nga paghatod sa tubig ug pag-andam sa sistema sa irigasyon alang sa padayon nga operasyon.
Ang Lagsidesi Irrigators’ Association mipahigayon sa ilang regular nga General Pintakasi, usa ka kolektibong kalihokan sa pagpanglimpyo sa kanal nga gihimo sa dili pa ang matag panahon sa pagpananom aron masiguro ang hapsay nga pag-agos sa tubig sa irigasyon.
Nasayran nga ang nasangpit nga kanal nakaangkon og kadaot tungod sa pagdahili sa yuta, nga nakabalda sa normal nga pag-agas sa tubig sa irigasyon ngadto sa mga mag-uuma sulod sa service area.
Tungod niini ang mga miyembro mibuhat ug rehabilitasyon nga magkompleto sa desilting nga mga buhat pinaagi sa Lagag CIS, nga nakahimog serbisyo sa irigasyon sa gibana-bana nga 60 ka ektarya nga yutang produksyon pang-agrikultura, nga nakahatag ug benepisyo ug suporta ngadto sa mga mag-uuma sa lugar nga posibleng nagmalampuson ug napatuman pinaagi sa hiniusang paningkamot sa tanan.(MEDALYN U. BORJA)
Source: NIA Zamboanga Peninsula