Nagpakita ug bug-os nga suporta ang National Irrigation Administration (NIA)–Zamboanga del Norte Regional Sub-Office, ubos sa giya sa NIA Region IX Regional Office, ngadto sa Inuman Communal Irrigation System (CIS) pinaagi sa pagpahigayon ug Turn-Out Service Area Group Meeting, didto sa Don Federico Irrigators’ Association Office.
Ang kalihokan gipangulohan ni Engr. Marie Therese T. Taladua, Acting Manager sa NIA–ZDNRSO, kauban ang teknikal ug institusyonal nga mga personahe. Aktibo ang pag-apil sa mga opisyal ug miyembro sa IA ubos kang IA President Leve Zamora, nga mituki sa nag-unang kabalaka sa suplay sa irigasyon.
Gipunting sa mga mag-uuma ang ilang mga prayoridad nga isyu, lakip ang nag-asiltang mga kanal, mga bahin sa earth canal nga nanginahanglan ug pagkongkreto, ug naguba nga estruktura nga nagkinahanglan ug rehabilitasyon.
Gisaad sa NIA ang pag-deploy ug backhoe sa ting-init aron magsugod sa desilting operations sa mga apektadong lugar. Gipaambit sab sa ahensya ang padayon nga lakang sa pagkuha ug pundo para sa repair ug rehabilitation sa mga pasilidad, uban sa pagtan-aw ug dugang suporta gikan sa lokal nga tinubdan.
Gipalig-on sa miting ang panagtambayayong tali sa NIA ug sa mga mag-uuma sa Inuman CIS, samtang gipasiguro sa ahensya ang padayon nga paghatag ug masaligan nga serbisyo sa irigasyon. Pinaagi sa padayon nga koordinasyon ug hapsay nga aksyon, tumong sa NIA nga masuportahan ang mga irrigators sa pagpabilin sa abtik nga produksyon ug lig-on nga ani.(IKEN B. GULLEM)
SOURCE: NIA ZAMBOANGA PENINSULA