Sa malampusong anti-illegal drug operation, nasikop sa mga operatiba sa kapulisan ang usa ka bag-ong giila nga drug personality ug nasakmit ang gidudahang shabu atol sa buy-bust operation nga gipahigayon sa Purok 1. Barangay Patawag, Liloy, Zamboanga del Norte mga alas 12:10 ang takna sa kadlawon niadtong Hulyo 22, 2025.
Ang suspek naila nga usa ka 46 anyos nga lalaki, minyo, private employed, ug residente sa sa Barangay San Miguel, ug usa ka barangay San Miguel Liloy.
Ang operasyon gihimo sa mga personahe sa Liloy Municipal Police Station (MPS), uban sa koordinasyon sa mga operatiba sa Regional Drug Enforcement Unit 9 (RDEU9) ug (ZNPIU).
Nakuha gikan sa posesyon ug kontrol sa suspek mao ang usa ka gamay nga heat-sealed sachet sa gituhoang shabu isip buy-bust item, usa ka gamay ug medium heat-sealed sachet sa gituhoang shabu isip possession items, usa ka P500.00 bill nga gigamit isip buy-bust money, lima ka transparent plastic sachet, usa ka pula nga transparent plastic sachets , usa ka walay sulod nga plastic sachets, ug improvised nga plastic scooper.
Gibana-bana ang drugas nga nasakmit nga mutimbang sa 1.5 gramos ug gidala kini sa Zamboanga del Norte Forensic Unit-Liloy Field Office alang sa laboratory examination.
Samtang ang suspek anaa na sa kustodiya sa Liloy MPS alang sa tukmang disposasyon.(Medalyn U. Borja)
Source: ZNPPO