Isip pagpakita sa lig-on nga suporta alang sa women empowerment and gender equality sa mga kababayen-an ,ang mga kawani sa Provincial Social Welfare and Development Office (PSWDO) sa Zamboanga del Norte,mapasigarbuhong miduyog sa National Women’s Month Celebration kagahapong adlawa Marso 4,2026 alang sa tibuok nga buwan sa Marso nga kasaulogan.
Ang maong mga kawani nagsul-ob sa color purple nga t-shirts sa adlawng miyerkules nga ginatawag ug Purple Wednesday, isip usa ka simbolo sa hustisya, dignidad, nga usa ka hiniusang pag-ila sa bililhong kontribusyon sa kababayen-an sa atong katilingban.
Ang ilang pagduyog sa selebrasyon nagpakita sa ilang hugot nga baruganan sa pakighiusa niini nga selebrasyon sa tibuok probinsya.
Nagpmatuod kini sa ilang pasalig sa pagpasiugda sa inklusibo nga mga programa, pagpanalipod sa katungod sa kababayen-an, ug pagpalig-on usab sa mga inisyatibo nga makapalipay sa mga pamilya ug sa komunidad.
Tungod niini,ang PSWDO padayong nagpasiugda ug mga programa,mga pagdasig nga makapalig-on ngadto sa mga kababayen-an padulong sa paghimo ug kausaban pinaagi sa paghatag kanila ug gahum sa katilingban.(MEDALYN U. BORJA)
Source: PSWDO ZDN