Nagpahayag og sinserong pasalamat si Belen Uy kang Mary Arabella Nielo Piñero sa Dapitan City National High School tungod sa matahum nga hulagway nga iyang gihimo para sa alkalde. Giingon sa mayor nga dako ang iyang pagpasalamat ug pagdayeg sa talento ug pagkamamugnaon sa estudyante.
Matud pa sa alkalde, ang maong artwork dili lamang usa ka maayong portrait kundili usa usab ka malinawong pagpamatuod sa kadasig ug kahusayan sa kabatan-onan sa Dapitan sa natad sa sining. Gipakita niini ang abilidad sa mga batan-on sa pagpadayag sa ilang talento pinaagi sa arte.
Gidayeg usab niya ang kahago ug dedikasyon ni Mary Arabella sa paghimo sa maong obra, nga sumala kaniya nagpakita sa lig-on nga pundasyon sa artistic excellence sa mga estudyante sa siyudad.
Gidasig sa mayor ang batan-ong artista nga ipadayon ang pag-amuma sa iyang talento ug sundon ang gugma sa sining, samtang gipasalig nga andam ang City Government sa pag-suporta ug pagpalambo sa mga kabatan-onang may talagsaong abilidad.(JENIFFER JR. DELICA)
Source: Mayor Belen Uy