Nagpahigayon og pagsusi ug pag monitor ang team sa DOST IX, pinangunahan ni Regional Director Rosemarie Salazar, kauban si Provincial Director Nuhman Aljani sa Zamboanga del Norte, alang sa nahuman nga climate-resilient hydroponics project sa Alvenda, Mutia niadtong Marso 24, 2026.
Ang proyekto nagpakita og fully operational nga greenhouse gamit ang hydroponics ug Dutch-bucket systems, nga nagpamatuod nga posible ang modernong teknolohiya sa agrikultura bisan sa highland nga lugar. Pinaagi niini, malampusong natubo ang mga high-value crops sama sa strawberries, lettuce, ug uban pang premium vegetables, nga consistent ug market-ready bisan sa variable nga klima.
Gipahimangno sa LGU Mutia nga ang maong proyekto naghatag og potensyal sa pagtaas sa produksyon, pagpalambo sa kita sa 4,242 ka pamilya, ug mas lapad nga access sa luwas ug nutrisyon nga gulay. Base sa kalampusan, ang LGU nagsumite na og follow-on project proposal aron mapalapad ug mapadayon ang hydroponic farming sa lungsod pinaagi sa Local GIA funding.(IKEN B. GULLEM)
Source: DOST Regional Office No. IX