Usa ka dako nga inter-agency nga kalihukan sa pagpananum og mangrove ang malampusong gihimo sa Barangay Don Ricardo Macias, Sindangan isip kabahin sa paningkamot sa pagpanalipod sa baybayon ug pagpugong sa kadaut sa ekosistema.
Gipangunahan ang kalihokan sa Mindanao State University kauban ang Municipal Environment and Natural Resources Office (MENRO), ug gisuportahan sa lokal nga gobyerno ubos sa liderato ni Mayor Glona G. Labadlabad.
Nakit-an sa maong aktibidad ang paghiusa sa lain-laing sektor lakip ang Local Government Unit, Philippine National Police, Philippine Coast Guard, Philippine Ports Authority, TESDA, BJMP, mga estudyante ug faculty sa MSU Environmental Science Department, Barangay Council sa Don Ricardo Macias, ug mga residente sa komunidad.
Gitumong sa maong paningkamot ang pagpalig-on sa coastal protection, pagpreserba sa mangrove ecosystem, ug pagtabang sa pagbatok sa epekto sa climate change pinaagi sa aktibong partisipasyon sa komunidad ug gobyerno.
Kini nga inisyatiba nagpakita sa padayon nga kolaborasyon sa lain-laing sektor alang sa pagpanalipod sa kinaiyahan ug pagsiguro sa mas malungtarong kaugmaon sa mga kabaybayonan sa Sindangan.(IKEN B. GULLEM)
Source: Municipality of Sindangan