POLANCO — Opisyal nang naturnover ang bag-ong Multipurpose Building (Covered Court) sa Barangay Isis nga adunay kompletong perimeter fence, outdoor stage, ug PWD-friendly comfort room, nga andam na gamiton sa komunidad.
Ang proyekto nahimong posible pinaagi sa inisyatiba ni Cong. PinPin Uy ug sa maayong implementasyon sa DPWH. Dako usab ang pasalamat sa pamilya nga boluntaryong nagdonar sa yuta aron matukod ang maong pasilidad.
Gilauman nga ang maong building mahimong sentro sa mga kalihokan sa barangay — gikan sa mga tigum, programa, sports activities, hangtod sa mga emergency response — nga magpalig-on sa panaghiusa ug partisipasyon sa katawhan.
Padayon ang community development sa barangay aron mas mapalambo ang serbisyo ug mas mapakusog ang panaghiusa sa komunidad.(JENIFFER JR. DELICA)
Source: Mayor Ying Uy