SALUG, Zamboanga del Norte — 11 ka personnel sa Salug District Jail ang boluntaryong miapil sa Bloodletting Activity nga gipahigayon sa Rural Health Unit (RHU) sa Salug, isip kabahin sa ilang padayon nga pagserbisyo sa komunidad.
Ubos sa liderato ni JCINSP Samuel A. Nasiad, Jail Warden, ang partisipasyon sa pasilidad nagpakita nga ang ilang serbisyo molapas pa sa custodial duties ug naglangkob usab sa humanitarian efforts nga makatabang sa katawhan.
Tumong sa kalihokan nga mapalig-on ang local health initiatives ug masiguro ang igo nga suplay sa dugo alang sa mga medical emergencies sa komunidad. Gipasabot nga ang maong aksyon nagpakita sa espiritu sa compassion, solidarity, ug tinuoray nga public service sa hanay sa personnel.
Ang inisyatiba nagpalig-on sa papel sa ahensya sa pag-amot sa kahimsog ug kaayohan sa lokal nga komunidad.(JENIFFER JR. DELICA)
Source: Salug District Jail- BJMPR9